For Warding Off Evil-Eye - Dua 17

عبد اللہ بن عامررضی اللہ عنہ کہتے ہیں کہ عامر بن ربیعہ اور سہل بن حنیف رضی اللہ عنہما دونوں غسل کرنے کے ارادے سے نکلے وہ کوئی اوٹ تلاش کر رہے تھے ۔ سہل رضی اللہ عنہ نے اون کا جبہ اتارا ۔ (عامررضی اللہ عنہ کہتے ہیں کہ)جب میں نے انہیں دیکھا تو میری نظرانہیں لگ گئی ۔وہ پانی میں اتر کر نہانے لگ گئے۔ میں نے پانی میں اُن کے بڑبڑانے کی آوازسنی ۔میں اُن کے پاس آیا اوراُنہیں تین دفعہ آواز دی لیکن اُنہوں نے کوئی جواب نہ دیا ۔پھر میں نبی کریم ﷺ کے پاس آیا اور ساری بات بتائی ۔آپ تشریف لائے اور پانی میں داخل ہو گئے گویا کہ میں اب بھی آپ کی پنڈلیوں کی سفیدی دیکھ رہا ہوں ۔آپ نے اُن کے سینے پر ہاتھ مارا اور پھر یہ دعا دی: اَللّٰھُمَّ اَذْھِبْ عَنْہُ حَرَّھَا وَبَرْدَھَا وَوَصَبَھَا.اے اﷲ!اس سے اس کی گر می و سردی اور بیماری ولاغری دُور کردے۔انہوں نے کہا: پھر وہ کھڑا ہوگیا تو رسول اﷲﷺنے فرمایا:''جب تم میں سے کوئی اپنے بھائی یا اس کی ذات یااس کے مال میں کوئی ایسی چیز دیکھےجو اسے پسند آئے تو اسے چاہیے کہ وہ اسے برکت کی دعا دے کیونکہ نظر کا لگنا برحق ہے''۔]السلسلة الصحیحة:2572