For Warding Off Evil-Eye - Dua 9

حضرت معاذ ؒ بن عبد الله بن خبیب رضی الله عنه اپنے والد سے روایت کرتے ہیں که ہم ایک بارش والی اور سخت اندھیری رات میں نکلے جب که ہم رسول الله صلی الله علیه وسلم کو ڈھونڈ رہے تھے تاکه وه ہمیں نماز پڑھائیں۔ چنانچه ہم نے آپ صلی الله علیه وسلم کو پالیا تو آپ صلی الله علیه وسلم نے فرمایا: ’’کہو‘‘ تو میں کچھ نه بولا۔ آپ صلی الله علیه وسلم نے پھر فرمایا: ’’کہو‘‘ تو بھی میں کچھ نه بولا۔ آپ صلی الله علیه وسلم نے پھر فرمایا: ’’کہو‘‘ تو میں نے عرض کیا۔ اے الله کے رسول صلی الله علیه وسلم! میں کیا کہوں؟ آپ صلی الله علیه وسلم نے فرمایا؛ کہو(قُلْ ھُوَ اللهُ اَحَدٌ o اَللهُ الصَّمَدُ o لَمْ یَلِدْ وَ لَمْ یُوْلَدْ o وَ لَمْ یَکُنْ لَّهٗ کُفُوًا اَحَدٌ o)کہہ دیجئے! که وه الله ایک ہے۔ الله بے نیاز ہے۔ نه اس سے کوئی پیدا ہوا اور نه ہی وه کسی سے پیدا ہوا، اور نه ہی کوئی اس کا ہمسر ہے۔اور معوذتین یعنی(قُلْ اَعُوْذُ بِرَبِّ الْفَلَقِ o مِنْ شَرِّ مَا خَلَقَ o وَ مِنْ شَرِّ غَاسِقٍ اِذَا وَقَبَ o وَ مِنْ شَرِّ النَّفّٰثٰتِ فِی الْعُقَدِ o وَ مِنْ شَرِّ حَاسِدٍ اِذَا حَسَدَ o)کہہ دیجئے! میں صبح کے رب کی پناه چاہتا ہوں۔ ہر اس چیز کے شر سے جو اس نے پیدا کی ہے اور اندھیری رات کی تاریکی کے شر سے جب وه پھیل جائے، اور گرہوں میں پھونکنے والیوں کے شر سے، اور حسد کرنے والے کے شر سے جب وه حسد کرے۔ اور (قُلْ اَعُوْذُ بِرَبِّ النَّاسِ o مَلِکِ النَّاسِ o اِلٰهِ النَّاسِ o مِنْ شَرِّ الْوَسْوَاسِ الْخَنَّاسِ o الَّذِیْ یُوَسْوِسُ فِیْ صُدُوْرِ النَّاسِ o مِنَ الْجِنَّةِ وَ النَّاسِ o)کہہ دیجئے! میں لوگوں کے رب کی پناه چاہتا ہوں۔ لوگوں کے مالک کی۔ لوگوں کے معبود کی۔ وسوسه ڈالنے والے، بار بار پلٹ کر آنے والے کے شر سے۔ وه جو لوگوں کے سینوں میں وسوسه ڈالتا ہے۔ جنوں اور انسانوں میں سے۔صبح اور شام تین تین بار یه کہہ لو تو یه ہر چیز سے تمہاری کفایت کریں گی۔ (صبح و شام تین بار)(سنن أبی داؤد: 5082) حسن