After the Fajr and Asr prayers

ابو ذرسے روایت ہے کہ رسول اللہ ‎ﷺ نے فرمایا:''جوکوئی فجر کی نمازکے بعد بات کرنے سے پہلے (تشہد کی حالت میں بیٹھ کر ) اپنی ٹانگ کو دہرا کیے ہوئے دس مرتبہ کہے:لَا اِلٰہَ اِلَّا اللّٰہُ وَحْدَہُ لَا شَرِیْکَ لَہُ، لَہُ الْمُلْکُ وَلَہُ الْحَمْدُ یُحْیِیْ وَیُمِیْتُ وَھُوَ عَلٰی کُلِّ شَیْئٍ قَدِیْر۔اکیلے اللہ کے سو ا کوئی الٰہ نہیں ، اس کا کوئی شریک نہیں، تمام بادشاہت اسی کے لیے ہے اور تمام تعریف اسی کے لیے ہے، وہ زندگی دیتا ہے اور موت دیتا ہے اور وہ ہر چیز پر پوری طرح قدرت رکھنے والا ہے۔تو اللہ اس کے لیے دس نیکیاں لکھ لیتاہے،اس سے دس برائیاں مٹا دیتا ہے ،اس کے لیے دس درجات بلند کردیتا ہے اور وہ اپنے اس سارے دن میں ہر مکروہ چیز سے محفوظ رہے گا اور شیطان سے بچالیا جائے گا ۔ اس دن شرک کے علاوہ کوئی ایسا گناہ نہیں ہوگا جس پر اس کی پکڑ ہو ( یعنی وہ گناہ معاف کردیا جائے گا)''۔ایک روایت میں ہے:''اور جو کوئی عصر کی نمازکے بعد ان کو کہے تو اس کو رات کو بھی اسی جیسا ثواب دیا جائے گا ''۔ [صحیح الترغیب والترھیب:472]